ក្នុងសង្គមបច្ចុប្បន្ន មានចំនួនអ្នកប្រើប្រាស់សង្គមហ្វេសប៊ុកជាច្រើន តើអ្នកប្រើប្រាស់ទាំងអស់មានដែលស្វែងយល់ពី គុណសម្បតិ្ត និងគុណវិបត្តិរបស់វាដែលឬទេ?
ខាងក្រោមនេះ ជាគុណសម្បត្តិ និងវិបត្តិដែលអ្នកប្រើប្រាស់សង្គមហ្វេសប៊ុកមិនត្រូវអូសរំលងឡើយ ៖
គុណសម្បត្តិ
ការកំសាន្ត
Facebook បានផ្តល់ជូននូវកម្មវិធីកំសាន្តផ្សេងៗជាច្រើន ដូចជាការចែករំលែករូបភាពនិងវីដែអូហើយអ្នកប្រើប្រាស់ក៏អាចលេងហ្គេមគ្រប់ប្រភេទបាននៅលើគេហទំព័រហ្វេសប៊ុកបានផងដែរ។
ទំនាក់ទំនង
ជាធម្មតាយើងរស់នៅក្នុងសង្គមជាមួយគ្នាតែងតែមានភាពប្រាស្រ័យទាក់ទងគ្នាទៅវិញទៅមកប៉ុន្តែពេលខ្លះការនៅឆ្ងាយពីគ្នាក៏អាចធ្វើឲ្យយើងមានអារម្មណ៏ឆ្ងាយពីគ្នាដែរ។ ដូច្នេះសង្គមហ្វេសប៊ុក ជាជម្រើសដ៏ល្អមួយសម្រាប់អ្នក ក្នុងការទំនាក់ទំនងគ្នាពីចម្ងាយ ជាពិសេសអ្នកប្រើប្រាស់ទាំងអស់ អាចតេហៅជាវិដេអូ (Video Calling) បានផងដែរ។
បណ្តាញ
ការបង្កើតបណ្តាញគឺជាសមាសធាតុដ៏សំខាន់សំរាប់អាជីវកម្មក្នុងបណ្តាញសង្គម Facebook។ ម្ចាស់អាជីវកម្មត្រូវដឺងថា ដៃគូប្រកួតប្រជែងក៏ដូច ជាអតិថិជនអាចមើលឃើញព័ត៌មានទាំងនោះនៅពេលដែលអ្នក ផ្សព្វផ្សាយចេញជាសាធារណៈ។ ហេតុផលនេះ ម្ចាស់អាជីវកម្ម គួរតែសំរេចចិត្តក្នុងការផ្សព្វផ្សាយព័ត៌មាន តាមរយះគេហទំព័រទំព័រ Facebook។
ទីផ្សារ
Facebook ផ្តល់នូវអត្ថប្រយោជន៍ជាច្រើនដល់អ្នកជំនាញផ្នែកទីផ្សារ និងម្ចាស់អាជិវកម្មគ្រប់ប្រភេទ។ Facebook ក៏បានផ្តល់ភាព ងាយស្រួល ដល់អ្នកទីផ្សារក្នុង ការគ្រប់គ្រង និងយល់ដឺងអំពីចំនួនអ្នកទស្សនា សារពាណិជ្ជកម្មផងដែរ។
គុណវិបត្តិ
ការញៀននឺងហ្វេសប៊ុក(Facebook)
មនុស្សចំណាយពេលវេលាច្រើនលេង Facebook ហើយការញៀននឺង Facebook បានផ្តល់ផលប៉ះពាល់យ៉ាងខ្លាំងដល់សកម្មភាពរស់នៅប្រចាំថ្ងៃរបស់អ្នកដូចជាការងារសាលារៀនឬការរក្សាទំនាក់ទំនងជាមួយគ្រួសារ និងមិត្តភក្តិ ក្នុងជិវិតពិត។
ភាពឯកោ
អ្នកប្រហែលជាគិតថាប្រព័ន្ធផ្សព្វផ្សាយសង្គមអនុញ្ញាតឱ្យយើងភ្ជាប់ទំនាក់ទំនងជាមួយមនុស្សជាទីស្រលាញ់របស់យើង ២៤ម៉ោងក្នុងមួយថ្ងៃ ប៉ុន្តែការសិក្សាថ្មីមួយបានរកឃើញថាតាមពិតវាបានធ្វើឱ្យយើងមានអារម្មណ៍ឯកោទៅវិញទេ ដោយពួកគេបានបាត់បង់ការប្រាស្រ័យទាក់ទងគ្នាជាមួយមនុស្សជុុុំវិញខ្លួន។
យើងបានដឹងហើយថា Facebook ជាអាវុធមុខពីរ ដូច្នេះវាពិតជាមានសារៈសំខាន់ណាស់សំរាប់់មនុស្សគ្រប់រូបក្នុងការស្វែងយល់់ពី Facebook ឲ្យបានច្រើនជៀសវៀងការប្រើប្រាស់ Facebook ហួសកំរិតដែលអាចនាំឲមានហានិភ័យដល់ខ្លួននិងមនុស្សជំវិញខ្លួន។
